Ascoutez l's infants sus l'pavé,
Qui fus'tent braques ou nié él'vés,
De pauve ou bié d'riche famille,
Les garçons autant qu'les filles,
Vous n'd'intindrez nié ée seul parler français.
I vous diront qué, pou les djeus,
C'est in patois qu'on s'comprind l'mieux,
Ascoutez leu discussions,
Leu rébus, leus réflexions...
On a du plaisi à l'zintinde dé Ion

Refrain

On est borégne ou on n'l'est nié,
Ca vié d'famille, on n'y peut rié,
On aime el patois de s'village;
Pour nous, c'est l'pu biau des languages.
On est borégne dins l'ardéon,
On n'rougit'nié de ses tayons.
On s'fout des faiseux d'imbarras;
On s'ra borégne tant qu'on vivra.